ரகசியமாய்..

நீண்ட நாட்களுக்கான பிறகான
சந்திப்பு உன்னுடன்.
காற்று உன் கூந்தலைத் தழுவிச் செல்கிறது.
'என்ன வேண்டும்' என்கிறேன்.
மௌனத்திருக்கிறாய்.
'வண்ணமும் வாசமும்
சுவையுடன் கூடிய உணவா வேண்டும்' என்கிறேன்.
மௌனத்திருக்கிறாய்.
நிறைந்த மலர்கள் வேண்டுமா' என்கிறேன்.
மௌனத்திருக்கிறாய்.
'சிறந்த உடைகள் வேண்டுமா' என்கிறேன்.
மௌனத்திருக்கிறாய்.
நாட்களின் நகர்தலை
ஒத்து இருக்கிறது என் கேள்விகள்.
அப்போதும் மௌனத்திருக்கிறாய்.
'என்னதான் வேண்டும்' என்கிறேன்.
பெண்களால் மட்டுமே அறியப்படும்
ரகசிய புன்னகையைச் சிந்தி
'நீ வேண்டும்' என்று
என் கன்னத்தில் இதழ் பதிக்கிறாய்.
ரகசியமாய் அழும் ஆண்களின்
வரிசையினில் நானும்.