ஆகாய அலைகள்

ஆற்று நீரின் வாசம்

மனதுக்குள்.

நேர் எதிரில் நிலா.

மெதுவாய் பாதம் பிடித்து விடுகிறேன்.

இதழ் வழி புன்னகைப் பூக்கிறாய்.

பேச்சுக்கள் தொடர்கின்றன.

நேர் மேலே நிலா.

‘தேகம் பொய்’ எனில்

‘நினைவுகளும் பொய்யா’ என்கிறேன்;

என்றைக்குமான புன்னகையை வீசுகிறாய்.

சுற்றிலும் கொட்டிக்கிடக்கின்றன

பூக்களும் நினைவுகளும்.

பதிலுக்காக மீண்டும்

கேள்வி தொடுக்க துவங்குகிறேன்.

அறை எங்கும் ஒலிக்கிறது ஒரு குரல்.

'வேளா வேளைக்கு சோறு தின்னுட்டு

சாமி கும்பிடாம

என் உயிர எடுக்கிறான் உங்கப்பன்'.

புகைப்படம் : R.s.s.KClicks