தீப்புகு விட்டில்

பாரம் கடந்த இரவொன்றை

இருவர் கடந்தனர்

அவனுக்கான பயணம் கிழக்கானது

அவளுக்கான பயணம் மேற்கானது.

வரும் காலங்களின் திட்டங்களோடு அவன்;

கடந்த காலங்களின் அசைவுகளோடு அவள்.

குளிர் இடத்தில் வளரும் போன்சாய்

மரங்களின் இலைகளை வருடியபடி அவன்.

மாற்றம் கொண்ட

குளிர் இடத்தில் வளரும் பாம்பூ

செடிகளின் இலைகளை வருடியபடி அவள்.

நாளொன்றின் முடிவில்

பாரம் கடந்த பகலொன்றை

இருவரும் கடந்தனர்.

பின்னொரு பொழுதுகளில்

இருள் தனித்து இருந்தது.

* தீப்புகு விட்டில் - நெருப்பில் புகுந்த விட்டில் பூச்சி  - திருவாசகம் / நீத்தல் விண்ணப்பம்
புகைப்படம் : Jothi Vel Moorthi